Нголо Кантенинг "Фенербахче"га трансфери режалаштирилганидек амалга ошади.
Аввалроқ, "Ал-Иттиҳод" ярим ҳимоячиси Криштиану Роналдунинг бойкотидан кейин Карим Бенземанинг клубни тарк этиши билан боғлиқ ноаниқлик туфайли Истанбулга учиб кета олмаслиги ҳақида хабар берилганди.
RMC Sport хабарига кўра, Канте бўйича битимнинг сўнгги тафсилотлари келишиб олинган. Француз Саудия Арабистонини тарк этиб, "Фенербахче"га ўтади.
Нголо учун тўланган 4 миллион евродан ташқари, "Ал-Иттиҳод" турк клуби форварди Юссуф Эн-Несирини ҳам ўз сафига қўшиб олади.
Фақатгина футболчиларнинг трансферлари ҳақида расман эълон қилиш қолди.
