Франциялик ҳимоячи Жереми Жаке «Ренн»дан «Ливерпуль»га ўтиши ҳақида фикр билдирди.
«Бундай катта клубга ўтаётганимдан жуда фахрланаман. Мен учун фаолиятимдаги “Ренн” даврини чиройли якунлаш муҳим. Бу клуб менга жуда қадрли. Мавсумнинг иккинчи қисмида жамоадошларим билан бирга муваффақиятга эришмоқчиман», — деди 20 ёшли футболчи Goal нашрига.
Аввалроқ Жаке «Ливерпуль»га 2026/2027 мавсуми бошланишидан олдин қўшилиши хабар қилинган эди. Трансфер қиймати тахминан 70 миллион евро деб баҳоланмоқда.
Жорий Лига 1 мавсумида Жереми 18 та ўйин ўтказди. У тўрт марта сариқ карточка олди ва бир бор майдондан четлатилди.
