«Бавария» 18 ёшли марказий ярим ҳимоячи Фелипе Чавесни жорий мавсум охирига қадар ижара асосида «Кёльн»га юборди.

Бу мавсумда хавбек Бундеслигада икки ўйинда майдонга тушиб, жами 12 дақиқа ҳаракат қилди.

«Фелипе Чавес — ёш ва истеъдодли футболчи, унга аллақачон бир қатор етакчи клублар қизиқмоқда. Бизда «Бавария»да уни ривожлантириш бўйича аниқ режа бор.

Энди у «Кёльн»да Бундеслигада мунтазам ўйин амалиёти олиб, карьерасида навбатдаги қадамни қўйиши керак.

Фелипе — чап оёғи кучли, келажаги порлоқ бўлган жуда яхши футболчи», — деди мюнхенликлар спорт директори Кристоф Фройнд.