Лондоннинг «Челси» клубининг собиқ ҳужумчиси Раҳим Стерлинг Берлиннинг «Унион» жамоасига таклиф қилинган. Бу ҳақда журналист Флориан Плеттенберг хабар берди.

Манба маълумотига кўра, бир неча кун олдин «Унион»га 31 ёшли Стерлингни эркин агент сифатида ўз сафига қўшиб олиш таклифи келиб тушган. Бироқ немис клуби музокараларга киришмаган. Стерлинг ҳозирча янги жамоа изламоқда ва эркин агент сифатида трансфер ойнаси ёпиқ бўлса ҳам исталган клуб билан шартнома имзолаши мумкин.

Раҳим Стерлинг 2022 йилдан бери «Челси»да тўп тепаётган эди. У клуб сафида 81 та ўйинда майдонга тушиб, 19 та гол урган ва 15 та голли узатма амалга оширган.