Маълумки, “Андижон”нинг “Шахтёр” (Қозоғистон) клубига қарши ўтказилган ва охирига етмай қолган ўртоқлик учрашувида "лочинлар" аъзолари - Абдулвоҳид Ғуломов ва Абдураҳмон Комилов олган жароҳатлари сабабли шифохонага олиб борилганди. Жамоа бош шифокори ушбу футболчилар ҳақида маълумот берди.
Унга кўра, Ғуломовда 1,5 сантиметр атрофида ўнг қулоқ йиртилиши жароҳати билан операция қилинди. ЛОР тавсияси билан компьютер томографиядан ўтказилган. Ҳозирда Абдулвоҳиднинг аҳволи қониқарли. Даволаниш режа асосида давом этяпти.
Комиловга эса бош мияни ёпиқ жароҳат олиши ва ўрта даражадаги бош мия чайқалиш ташхиси қўйилди. Невропатолог тавсияси билан компьютер томография қилинган. Айни пайтда Абдураҳмоннинг ҳам ҳолати қониқарли. Даволаниши давом этяпти.
«Футболчиларимизга шифохонадан рухсат беришди ва айни пайтда жамоамиз шифокорларининг назоратида. Умид қиламизки, улар тез орада соғайиб яна машғулотларга қўшиладилар.
Биз барча футболчиларимизга соғлик тилаймиз», - дейилади клуб баёнотида.
