Бугун тунда Англия Лига Кубоги финалининг иккинчи иштирокчиси номи маълум бўлади. «Арсенал» аллақачон финал йўлланмасини ҳал қилган бир пайтда, «шаҳарликлар» ва «қарғалар» иккинчи чипта учун курашадилар.

«Манчестер Сити»: Ҳусанов яна асосий таркибдами?

Гвардиола жамоасида ҳимоя чизиғида жиддий йўқотишлар бор. Рубен Диаш машғулотларга қайтган бўлса-да, унинг бугун илк дақиқалардан тушиши сўроқ остида. Стоунз ва Гвардиол ҳамон лазаретда. Янги харид қилинган Марк Гехи эса турнир қоидаларига кўра (рўйхатдан ўтмаган) бугун ўйнай олмайди. Бу эса ҳамюртимиз Абдуқодир Ҳусановнинг яна асосий таркибда майдонга тушиш имкониятини кескин оширмоқда.

Тахминий таркиб (4-2-3-1): Траффорд — Нуньес, Ҳусанов, Аке, Аит-Нури — Родри, О’Райли — Фоден, Бернарду Силва, Семеньо — Холанд.

«Ньюкасл»: Эдди Хаунинг «бош оғриғи»

Меҳмонлар таркибида ҳам йўқотишлар етарли. Жамоа етакчиси Бруно Гимарайнс ва Жоэлинтон жароҳати сабаб майдонга туша олмайди. Шунингдек, ҳимоячи Фабиан Шер ва Ливраменто ҳам сафдан чиққан. Бироқ Свен Ботманнинг сафга қайтгани «қарғалар» мухлисларини озгина бўлса-да хурсанд қилиши мумкин.

Тахминий таркиб (4-3-3): Поуп — Триппьер, Тиав, Ботман, Холл — Тонали, Уиллок, Рэмзи — Барнс, Висса, Гордон.

Учрашув ҳақида қисқача:

• Бошланиш вақти: 01:00 (Тошкент)

• Стадион: «Этиҳад», Манчестер

• Биринчи ўйин: 2:0 («Ман Сити» фойдасига)