Туркиянинг Анталия шаҳрида ўқув-машғулот йиғинини ўтказаётган Урганчнинг «Хоразм» жамоаси навбатдаги назорат баҳсида майдонга тушди.
Йиғин доирасидаги иккинчи ўртоқлик учрашувида ҳамюртларимиз Польшанинг «Медзь Легница-2» жамоасига қарши баҳс олиб боришди. Қизиқарли ва курашларга бой ўтган ўйинда «Хоразм» минимал ҳисобдаги ғалабани қўлга киритди.
Ўйин тақдирини ҳал қилган ягона гол биринчи бўлимнинг 35-дақиқасида киритилди. Нодир Абдухолиқов рақиб дарвозасини аниқ нишонга олиб, жамоасига ғалаба тақдим этди.
Назорат ўйини: «Хоразм» — «Медзь Легница-2» (Польша) — 1:0
Гол: Нодир Абдухолиқов, 35' (1:0)
Хоразм: 12 — Дилшод Ёқубов, 88 — Аброр Хўсинов, 25 — Ром Матия, 80 — Фаррух Иброҳимов, 3 — Равшан Султонов, 9 — Жасур Азимов, 8 — Нодир Абдухолиқов, 17 — Даниил Нугманов, 79 — Азиз Аҳроров, 99 — Одамбой Олимов, 70 — Султон Исмоилов
Захира: Муҳаммаджонов, Воҳидов, Сайтхонов, Исоқов, Отахонов, Шабино, Коҳан.
