Анталия шаҳрида «Андижон» футбол клуби раҳбарияти ҳамда фан-клубимиз раиси «Анталияспор» клуби раҳбарияти ва уларнинг фан-клуб раиси билан учрашув ўтказди. Ушбу мулоқот 2023-йилда ўтказилган илк учрашувнинг мантиқий давоми сифатида баҳоланмоқда.
Учрашув олдидан меҳмонлар анъанавий андижонча ош билан меҳмон қилинди. Бу нафақат миллий таомларимизни намоён этиш, балки икки томон ўртасида илиқ, дўстона муҳит яратишга хизмат қилди.
Маълумки, яқинда Ўзбекистон Республикаси Президенти Туркия Республикаси Президенти билан учрашиб, икки давлат ўртасидаги дўстона алоқаларни янада мустаҳкамлаш бўйича муҳим келишувларга эришилди. Шунингдек, Андижон вилояти ҳокимининг Истанбулга амалга оширган расмий ташрифи ҳам икки томонлама ҳамкорликни янги босқичга олиб чиқди.
Ана шу умумдавлат даражасидаги муносабатлар замирида спорт соҳасида ҳам самарали ҳамкорликни йўлга қўйиш мақсадида «Андижон» клуби билан «Анталияспор» ўртасидаги музокаралар ўтказилди.
Учрашув давомида томонлар ёшлар футболи ва академиялар ўртасида ҳамкорликни ривожлантириш, мураббийлар ва мутахассислар ўртасида тажриба алмашиш, иқтидорли футболчиларни қўллаб-қувватлаш ҳамда қўшма лойиҳаларни амалга ошириш масалаларини муҳокама қилишди.
Айниқса, болалар-ўсмирлар футболида замонавий тайёргарлик тизимини жорий этиш, скаутинг ва селекция йўналишларида ҳамкорлик қилиш, машғулот жараёнларида илғор тажрибалардан фойдаланиш борасида аниқ таклифлар илгари сурилди.
Учрашув якунида «Анталияспор» раҳбарияти ва фан-клуби раиси Андижон шаҳрига расмий ташриф буюришга таклиф этилди. Бу ташриф доирасида «Андижон» инфратузилмаси, академия фаолияти, машғулот базалари билан яқиндан танишиш ҳамда келгусидаги ҳамкорлик қадамларини белгилаб олиш режалаштирилмоқда.
Бу мулоқот «Андижон» клуби учун халқаро ҳамкорликни кенгайтириш, ёшлар тайёргарлигини янги босқичга олиб чиқиш ҳамда клуб нуфузини ошириш йўлидаги муҳим қадамлардан бири бўлди. Ташриф якунида эса эсдалик совғалар улашилди.
Ишонч билан айтиш мумкин, «Андижон» ва «Анталияспор» ўртасида йўлга қўйилаётган ҳамкорлик нафақат икки клуб, балки икки мамлакат спорт муносабатларини янада мустаҳкамлашга хизмат қилади.
| 03/02 00:45 | Удинезе | 1-0 | Рома | ||
| 03/02 01:00 | Сандерленд | 3-0 | Бёрнли | ||
| 03/02 01:00 | Мальорка | 4-1 | Севилья | ||
| 03/02 11:00 | Эрон | 7-4 | Ўзбекистон | ||
| 03/02 13:00 | Ироқ | 4-2 | Таиланд | ||
| 03/02 15:00 | Япония | 6-0 | Афғонистон | ||
| 03/02 17:00 | Индонезия | 3-2 | Вьетнам | ||
| 04/02 00:45 | Болонья | 0-3 | Милан | ||
| 05/02 13:00 | Ироқ | - | Эрон | ||
| 05/02 17:00 | Индонезия | - | Япония |
«Андижон» ва «Анталияспор» ўртасида ҳамкорликнинг янги босқичи
| Баҳо: |
+ | -
|
Рукн: Янгиликлар
Манба: https://t.me/andijonpfc
Киритилди: 18:45, 04.02.2026.
Ўқилди: 237 марта.
Фикрлар: 0 та.
Ўқилди: 237 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
Криштиану Роналду «Ан-Наср»ни тарк этди. Фото [9614]
«ПСЖ»: «Барселона» бизни Дро бўйича алдади [9103]
Zo'r TV телеканали 4-февраль куни Испания кубоги баҳсини жонли трансляция қилади [4441]
Роналду ва «Ан-Наср» ўртасидаги зиддият барҳам топди [2533]
“МЮ” рули яна афсона қўлида [2365]
Европа клублари Роналдуни ўз сафига қўшиб олиш имкониятларини кўриб чиқмоқда [2338]
Футзал, Осиё кубоги-2026. Ярим финал жуфтликлари маълум бўлди [2066]
Канте «Ал-Иттиҳод» машғулотларини бойкот қилди [1918]
Флик «Барселона»нинг камчилигини айтди [1796]
Испания кубоги. «Альбасете» — «Барселона» — 1:2 (видеошарҳ) [1673]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|