Хосеп Гвардиола жамоа сардори Бернарду Силванинг ҳолати ҳақида гапирди. Чоршанба куни яримҳимоячи Лига кубоги яримфиналидан ўрин олган "Ньюкасл"га қарши жавоб ўйинини (3:1) ўтказиб юборди.
"Бернарду жароҳатланганми? Билмадим, кўрамиз. У ўзига хос ўйинчи. Кеча у менга ўзини яхши ҳис қилаётганини ва майдонга тушиб кўришга тайёрлигини айтди, лекин мен билмайман. Бу тизза ости пайининг оддий шикастланишидан кўра хавфлироқ. Яқин кунларда кўринади. Унинг "Ливерпул"га қарши ўйинда майдонга тушиши катта сўроқ остида турибди. Уни билгани учун албатта уриниб кўради, деб ўйлайман. Аммо ҳозирча аниқ айта олмайман", - дея Гвардиоланинг жавобини келтиради City Report.
"Манчестер Сити" Лига кубоги финалига чиқди ва у ерда "Арсенал" билан ўйнайди.
