Испания Кубоги-2025/2026 мавсуми чорак финал босқичининг учта ўйини бўлиб ўтди, уларнинг натижаларига кўра икки ўйинлик қарама-қаршилик доирасида ўтказиладиган турнир ярим финалининг учта иштирокчиси аниқланди.

Бу иштирокчилар "Барселона", "Реал Сосьедад" ва "Атлетик" бўлди. Эслатиб ўтамиз, 1/4 финал доирасида "кўк-анорранглилар" "Альбасете"дан 2:1 ҳисобида устун келганди. "Реал Сосьедад" Басклар дербисида "Алавес" устидан иродали ғалабага эришди (3:2), "Атлетик" эса учрашув сўнгида "Валенсия"дан ғалабани тортиб олди - 2:1.

Мусобақа ярим финалининг тўртинчи иштирокчиси бугун, 5 февраль куни "Бетис" - "Атлетико" учрашуви натижаларига кўра аниқланади. 1/2 финал жуфтликлари қуръадан сўнг маълум бўлади.