«Комо» ярим ҳимоячиси Николас Пас мавсум якунланганидан кейин Мадриднинг «Реал» клубига қайтади.
21 ёшли футболчи Сеск Фабрегас жамоасида ўз иқтидорини тўла намойиш этди ва «қаймоқранглилар» раҳбариятининг фикрича, у уйга қайтишга тайёр. Diario AS нашрининг хабарига кўра, «Реал» келаётган ёзда аргентиналик футболчини 9 миллион евро эвазига қайта сотиб олиш ҳуқуқидан фойдаланади. Бу маблағ футболчининг бозор қийматидан анча паст ҳисобланади — бошқа клублар «Комо» юлдузини қўлга киритиш учун бундан бир неча баробар кўп ҳақ тўлашларига тўғри келади.
Ҳозирча «Реал» Николас Пасни асосий таркибда ўйнатишни режалаштиряптими ёки йўқ — буниси номаълум. Ҳужумкор ярим ҳимоячи бошқа бирор гранд клубга фойдалироқ нархда қайта сотиб юборилиши ҳам истисно этилмаяпти. Transfermarkt порталида футболчининг нархи айни дамда 65 миллион евро этиб белгиланган.
