«Манчестер Сити» устози Хосеп Гвардиола Англия лига кубоги финали доирасида Лондоннинг «Арсенал» клубига қарши баҳсда жамоа дарвозасини ким қўриқлашини маълум қилди.
«Траффорднинг келажаги буюк, у юқори даражадаги дарвозабон. Унинг жамоамизда эканлигидан хурсандман. «Арсенал» билан финалда ким майдонга тушади? Жеймс илк бор бундай турнир финалида ўйнайди. Бошқа мусобақаларга келсак, у ерда вазият бошқача бўлиши мумкин», — дея испаниялик мутахассиснинг сўзларини келтиради The Independent нашри.
Эслатиб ўтамиз, АПЛ ва Чемпионлар лигасида «шаҳарликлар»нинг биринчи рақамли посбони италиялик Джанлуиджи Доннарумма ҳисобланади.
«Манчестер Сити» ва «Арсенал» ўртасидаги финал баҳси 22 март куни «Уэмбли» стадионида бўлиб ўтади.
