Миланнинг «Интер» клуби президенти Жузеппе Маротта А Сериянинг жорий мавсумидаги чемпионлик пойгаси ҳақида ўз фикрлари билан ўртоқлашди.

«Биз нафақат «Милан», балки юқори ўринларда бораётган барча жамоалар билан кураш олиб боряпмиз, чунки уларнинг барчаси максимал натижага интилмоқда», — деди Маротта Sport Mediaset нашрига берган интервьюсида.

Шу билан бирга, функционер «Милан»нинг бошқа жамоалардан устунлик жиҳати борлигини, чунки улар бор эътиборини фақат чемпионатга қаратганини таъкидлади. Бироқ мутахассис «Интер» сўнгги йилларда тиғиз тақвимга ўрганиб қолганини айтди.

Италия чемпионатининг 23 туридан сўнг «Интер» 55 очко жамғарган ҳолда турнир жадвалида пешқадамлик қилмоқда. Кейинги ўринларда «Милан» (50) ва «Наполи» (46) бормоқда.