Milanning «Inter» klubi prezidenti Juzeppe Marotta A Seriyaning joriy mavsumidagi chempionlik poygasi haqida o‘z fikrlari bilan o‘rtoqlashdi.
«Biz nafaqat «Milan», balki yuqori o‘rinlarda borayotgan barcha jamoalar bilan kurash olib boryapmiz, chunki ularning barchasi maksimal natijaga intilmoqda», — dedi Marotta Sport Mediaset nashriga bergan intervyusida.
Shu bilan birga, funksioner «Milan»ning boshqa jamoalardan ustunlik jihati borligini, chunki ular bor e’tiborini faqat chempionatga qaratganini ta’kidladi. Biroq mutaxassis «Inter» so‘nggi yillarda tig‘iz taqvimga o‘rganib qolganini aytdi.
Italiya chempionatining 23 turidan so‘ng «Inter» 55 ochko jamg‘argan holda turnir jadvalida peshqadamlik qilmoqda. Keyingi o‘rinlarda «Milan» (50) va «Napoli» (46) bormoqda.
