Саудиянинг «Ан-Наср» клуби ва Португалия терма жамоаси ҳужумчиси Криштиану Роналду бугун ўз туғилган кунини нишонламоқда. Юлдуз футболчи 41 ёшни қарши олди. Ҳужумчи аллақачон ўзининг собиқ клуби — «Манчестер Юнайтед»дан табрик қабул қилиб олди: «Туғилган кунинг билан, Криштиану!» — дейилади «қизил иблислар» матбуот хизматининг хабарида.

Эслатиб ўтамиз, Роналду инглиз гранди шарафини икки даврда — 2003 йилдан 2009 йилгача ва 2021 йилдан 2022 йилгача ҳимоя қилган. Шунингдек, футболчи фаолияти давомида «Ювентус», Мадриднинг «Реал» ва Лиссабоннинг «Спортинг» клубларида ҳам тўп сурган.

Криштианунинг «Ан-Наср» билан амалдаги шартномаси 2027 йилгача мўлжалланган. Сўнгги вақтларда матбуотда машҳур фахрийнинг клубдан кетиши мумкинлиги ҳақида гап-сўзлар фаол тарқалмоқда — у ҳатто Ар-Риёд жамоаси ўйинларини бойкот қилмоқда.