Saudiyaning «An-Nasr» klubi va Portugaliya terma jamoasi hujumchisi Krishtianu Ronaldu bugun o‘z tug‘ilgan kunini nishonlamoqda. Yulduz futbolchi 41 yoshni qarshi oldi. Hujumchi allaqachon o‘zining sobiq klubi — «Manchester Yunayted»dan tabrik qabul qilib oldi: «Tug‘ilgan kuning bilan, Krishtianu!» — deyiladi «qizil iblislar» matbuot xizmatining xabarida.

Eslatib o‘tamiz, Ronaldu ingliz grandi sharafini ikki davrda — 2003 yildan 2009 yilgacha va 2021 yildan 2022 yilgacha himoya qilgan. Shuningdek, futbolchi faoliyati davomida «Yuventus», Madridning «Real» va Lissabonning «Sporting» klublarida ham to‘p surgan.

Krishtianuning «An-Nasr» bilan amaldagi shartnomasi 2027 yilgacha mo‘ljallangan. So‘nggi vaqtlarda matbuotda mashhur faxriyning klubdan ketishi mumkinligi haqida gap-so‘zlar faol tarqalmoqda — u hatto Ar-Riyod jamoasi o‘yinlarini boykot qilmoqda.