Марказий ҳужумчи О Хён Гю «Бешиктош» билан шартнома имзолади. Бу ҳақдаги маълумот Туркия клубининг расмий сайтида эълон қилинди.
Жанубий Корея терма жамоаси форварди Бельгиянинг «Генк» клубидан сотиб олинди. Трансфер суммаси 14 миллион еврога баҳоланмоқда. Ҳужумчи 2029 йилнинг ёзига қадар мўлжалланган меҳнат шартномасига имзо чекди.
Жорий мавсумда О Хён Гю «Генк» сафида барча турнирларда 32 та ўйинда иштирок этди. 24 ёшли футболчи ўз ҳисобига 10 та гол ва 3 та голли узатмани ёздириб қўйишга улгурди.
Туркия чемпионатининг 20 туридан сўнг «Бешиктош» 36 очко билан турнир жадвалида бешинчи ўринни эгаллаб турибди
