Ҳужумчи Криштиану Роналду бойкотни давом эттирмоқда. Португалиялик юлдуз Саудия Арабистони чемпионати доирасида жума куни «Ал-Иттиҳод»га қарши кечадиган баҳсда майдонга тушмайди, ваҳоланки у соғлом ҳолатда. Бу ҳақда Transfer News Live хабар бермоқда.
Бу Роналду учун бойкот сабабли ўтказиб юбориладиган кетма-кет иккинчи ўйин бўлади. Форвард Саудия Арабистони Суверен жамғармаси клубни бошқариш усулидан норози. Криштианунинг фикрича, жамғарма «Ал-Ҳилол»га кўпроқ маблағ ажратмоқда ва бу билан «Ан-Наср»нинг чемпион бўлишига тўсқинлик қилмоқда.
Пайшанба куни Криштиану Роналду 41 ёшга тўлди. Беш карра «Олтин тўп» соҳибининг амалдаги шартномаси 2027 йилнинг ўрталарига қадар мўлжалланган.
