Франциянинг машҳур Canal+ телеканали XXI асрнинг энг яхши ҳужумчилари рейтингини эълон қилди. Ушбу рўйхат футбол оламидаги энг кучли тўпурарлар ва афсоналарни бирлаштирган.

Рейтингнинг биринчи поғонасини «Интер Майами» ва Аргентина терма жамоасининг 38 ёшли ҳужумчиси Лионель Месси эгаллади. У фаолияти давомида «ПСЖ» ва «Барселона» клубларида ҳам тўп сурган.

Иккинчи ўриндан «Ан-Наср» ва Португалия терма жамоаси форварди Криштиану Роналду жой олди. У илгари «Манчестер Юнайтед», «Ювентус», «Реал» ва «Спортинг» шарафини ҳимоя қилган.

Рейтинг муаллифлари учинчи поғонага Бразилия терма жамоаси собиқ ҳужумчиси Роналдони лойиқ кўришди. У клуб миқёсида «Крузейро», ПСВ, «Барселона», «Интер», «Реал», «Милан» ва «Коринтианс» жамоаларида ўйнаган.

Canal+ талқинига кўра XXI асрнинг энг яхши ҳужумчилари ТОП-15:

1. Лионель Месси

2. Криштиану Роналду

3. Роналдо

4. Роналдиньо

5. Тьерри Анри

6. Карим Бензема

7. Килиан Мбаппе

8. Неймар

9. Роберт Левандовски

10. Дидье Дрогба

11. Самуэль Это'О

12. Златан Ибрагимович

13. Андрей Шевченко

14. Рауль

15. Луис Суарес