Аргентиналик марказий ҳужумчи Алехо Велиз Англиянинг «Тоттенхэм» клубини тарк этиб, фаолиятини Бразилияда давом эттиради. Бу ҳақда журналист Фабрицио Романо ўзининг ижтимоий тармоқларида маълум қилди.
Манба берган хабарга кўра, Велиз ўтган йилги Бразилия чемпионатини еттинчи ўринда якунлаган «Баия» клубида тўп суради. Трансфер суммаси 9 миллион евро ва бонуслардан иборат бўлади. Футболчи «Тоттенхэм»нинг асосий таркибидан жой ола билмади — у Лондон клуби сафида бор-йўғи 8 та ўйинда майдонга тушиб, 1 та гол урган.
Ўтган мавсумда Велиз ижара асосида «Росарио Сентраль» шарафини ҳимоя қилиб, Аргентина чемпионатининг 16 та учрашувида 5 та гол уришга муваффақ бўлган эди.
