Англия терма жамоаси Жаҳон чемпионатидаги илк ўйинини 17 июнь куни ўтказади. Унгача Томас Тухель жамоаси АҚШда иккита ўртоқлик учрашувини ўз ичига олган тайёргарлик йиғинини ўтказишни режалаштирмоқда.
The Sun нашрининг хабар беришича, Англия терма жамоаси 6 июнь куни Янги Зеландияга қарши ўртоқлик учрашувида майдонга тушади. Ушбу жамоа ҳам мундиал иштирокчиси ҳисобланади.
Иккинчи назорат ўйини 10 июнь кунига белгиланган, бироқ рақиб номи ҳозирча номаълум.
Таъкидлаш жоизки, март ойида Англияни ўз уйида Уругвай ва Японияга қарши қизиқарли баҳслар кутмоқда. Ўйинлар мос равишда 27 ва 31 март кунлари бўлиб ўтади.
Жаҳон чемпионатининг гуруҳ босқичида Англия Хорватия, Гана ва Панама терма жамоаларига қарши кураш олиб боради.
