"Барселона" ҳимоячиси Жюль Кунде клубини ўзгартириши мумкин. Футболчининг хизматларига "Манчестер Юнайтед", "Челси" ва "Ливерпуль" клублари қизиқиш билдирмоқда. Шунингдек, футболчи билан шартнома имзолашни "Бавария" ҳам истамоқда.
Трансфер суммаси 80 миллион еврога баҳоланмоқда. Таъкидланишича, "Барселона" ҳали якуний қарорга келмаган, бироқ Кунде эндиликда "дахлсиз" ўйинчилар рўйхатида эмас.
Жорий мавсумда Жюль Кунде "Барселона" сафида 34 та учрашувда майдонга тушди. Уларда футболчи учта гол урди ва иккита голли узатмани амалга оширди.













