«Барселона» бош мураббийи Ханс-Дитер Флик ҳозирги лавозимида ўзини қандай ҳис қилаётгани ҳақида гапириб берди.
Немис мутахассиси 2024 йилнинг ёзида Хави Эрнандес ўрнига Каталония гранди бошқарувига келган эди. Ҳозирги мураббий қўл остида жамоа аллақачон тўртта совринни қўлга киритишга улгурди.
«Барса»да илк кундан бошлаб бу шунчаки оила эмас, балки ундан ҳам кўпроқ нарса эканини ҳис қиласиз. Барселонадаги ҳаёт менинг барча кутганларимдан ҳам аъло даражада бўлди. Бу ердаги одамлар бизга жуда меҳрибон, бу эса клубдаги ишни чинакам ўзига хос қилади», – дея Фликнинг сўзларини келтирмоқда Испания ОАВлари.
60 ёшли мураббийнинг шартномаси 2027 йилнинг ўрталарига қадар мўлжалланган.
