«Barselona» bosh murabbiyi Xans-Diter Flik hozirgi lavozimida o‘zini qanday his qilayotgani haqida gapirib berdi.
Nemis mutaxassisi 2024 yilning yozida Xavi Ernandes o‘rniga Kataloniya grandi boshqaruviga kelgan edi. Hozirgi murabbiy qo‘l ostida jamoa allaqachon to‘rtta sovrinni qo‘lga kiritishga ulgurdi.
«Barsa»da ilk kundan boshlab bu shunchaki oila emas, balki undan ham ko‘proq narsa ekanini his qilasiz. Barselonadagi hayot mening barcha kutganlarimdan ham a’lo darajada bo‘ldi. Bu yerdagi odamlar bizga juda mehribon, bu esa klubdagi ishni chinakam o‘ziga xos qiladi», – deya Flikning so‘zlarini keltirmoqda Ispaniya OAVlari.
60 yoshli murabbiyning shartnomasi 2027 yilning o‘rtalariga qadar mo‘ljallangan.
