«Ювентус» бу мавсумда требл қила олмайди. Бугун Лучано Спаллетти бошчилигидаги жамоа Италия Кубоги чорак финалида "Аталанта"га 0:3 ҳисобида имкониятни бой бериб, турнирни тарк этди.
Туринликлар ўз тарихида ҳали бирор марта бир мавсумнинг ўзида ҳам Италия чемпионати, ҳам мамлакат Кубоги, ҳам Чемпионлар лигасида (Европа чемпионлар кубоги) ғолиб чиқмаган.
Айни дамда Серия А турнир жадвалида "бьянконерилар" 23 турдан сўнг 45 очко жамғариб, 4-ўринни эгаллаб турибди. Чемпионлар лигасининг нимчорак финалида улар "Галатасарой" билан тўқнаш келишади.
