Лондоннинг "Арсенал" клуби ярим ҳимоячиси Мартин Субименди жамоанинг Чемпионлар лигасидаги муваффақият имкониятлари ҳақида гапирди.
"Канонирлар" умумий босқичдаги барча ўйинларда ғалаба қозониб, турнир жадвалида биринчи ўринни эгаллашди. Лондон грандининг 1/8 финалдаги рақиби кейинроқ аниқланади.
"Энг муҳими – ғалаба. 1/8 финалга йўлланма олиш жуда яхши, лекин энди ким турнирда ғолиб чиқишини кўрамиз. Испания жамоаларини ҳеч қачон ҳисобдан чиқариб бўлмайди: ўтган мавсумда "Барселона" ярим финалгача етиб борди, "Реал" – бу "Реал", "Атлетико"да эса ажойиб ўйинчилар етарли. Чемпионлар лигаси – махсус турнир, унда ҳар қандай воқеа содир бўлиши мумкин", – дея Субимендининг сўзларини келтирмоқда "Arsenal News Channel".
