Италиянинг «Милан» клуби сешанба куни йирик ғалабани қўлга киритди ва энди клубнинг собиқ юлдузлари жамоани мақташдан чарчамаяпти. 2012 йилдан 2019 йилгача клубда тўп сурган Риккардо Монтоливо ҳам ўз фикрларини билдирди. Унинг фикрича, «Милан»да орзу қилинган Скудетто учун курашда ўз устунликлари мавжуд.
«Болонья» билан ўйинда «Милан» жипслашган ва мустаҳкам жамоа сифатида намоён бўлди. Менимча, «Интер» бироз кучлироқ, аммо «Милан»да ҳам ўз имкониятлари бор», — дея Монтоливонинг сўзларини келтирмоқда pianetamilan.it.
«Милан» сўнгги бор 2022 йилда Италия чемпиони бўлган эди. Ҳозирда клуб Италия Серия А турнир жадвалида «Интер»дан беш очко ортда қолмоқда.
