Трент Александер-Арнольд ҳозирча "Реал"да ўз ўрнини топиб кета олгани йўқ, шу сабабли у трансфер миш-мишлари марказида қолмоқда. Ҳатто Трентнинг Англияга қайтиши ҳақида ҳам гап-сўзлар тарқалди.
"TEAMtalk" нашрига маълум бўлишича, "Ливерпуль" Трентнинг қайтиш имкониятини кўриб чиқмаяпти. Мерсисайдликлар, агар футболчи трансферга қўйилган тақдирда ҳам, ёзда музокараларга киришмайдилар.
"Ливерпуль" ўнг қанот ҳимояси позицияси бўйича узоқ муддатли режа аллақачон тузиб бўлинган деб ҳисоблайди. "Қизиллар" Жереми Фримпонг ва Конор Брэдлига умид боғлашмоқда.
27 ёшли Трент Александр-Арнольднинг бозор қиймати "Transfermarkt" портали мутахассислари томонидан 70 миллион еврога баҳоланмоқда.
