"Барселона" бош мураббийи Ханс-Дитер Флик ярим ҳимоячи Френки де Йонгнинг ўйини ҳақида фикр билдирди. Немис мутахассиси 28 ёшли нидерландиялик футболчига юқори баҳо берди.
"Де Йонг "олтилик" позициясида ўйнаб, ўзининг барча фазилатларини намоён этмоқда. У — етакчи. Унинг бу масъулиятни ўз зиммасига олгани менга манзур бўлмоқда — ёши ҳам бунга имкон беради. У бу ерда жуда бахтли", — деди Флик матбуот анжуманида.
Френки де Йонг 2019 йилнинг ёзидан буён "Барселона" шарафини ҳимоя қилиб келмоқда. Ўшандан бери нидерландиялик ярим ҳимоячи 287 та расмий учрашувда майдонга тушиб, 19 та гол урди ва шерикларига 30 та голли узатмани амалга оширди.
