Англия Премьер-лигасининг топ-клублари — "Манчестер Юнайтед" ва "Ливерпуль" "Вулверхэмптон"нинг 18 ёшли инглиз ҳужумчиси Матеуш Мане трансфери бўйича музокаралар ўтказди. Бу ҳақда "Sports Boom" нашри хабар бермоқда.
Аввалроқ футболчига Лондоннинг "Челси" клуби даъвогарлик қилаётгани ҳақида маълумотлар тарқалган эди. Қайд этилишича, ҳужумчининг нархи тахминан 50 миллион фунтни ташкил этади. Айни дамда музокаралар давом этмоқда.
Мане — "Вулверхэмптон" академияси тарбияланувчиси ҳисобланади. У жорий мавсумда АПЛ доирасида 13 та ўйинда майдонга тушиб, 2 та гол урди ва 1 та голли узатмани амалга оширди.
