"Манчестер Юнайтед" бош мураббийи вазифасини бажарувчи Майкл Кэррик келажаги ҳақидаги навбатдаги саволга жавоб берди.
"Қизил иблислар" англиялик мутахассис қўл остида учта ўйиндан учтасида ғалаба қозонди. Матбуотда ҳозирги мураббийни вақтинчалик мақомисиз, доимий асосда тайинлаш мумкинлиги тобора фаол муҳокама қилинмоқда.
"Менга бу ерда бўлиш ва ўз ишим билан шуғулланиш жуда ёқади. Ўзимни уйдагидек ҳис қиляпман, бироқ вазиятни жуда яхши тушуняпман, шунинг учун берилиб кетмаяпман", деб айтган Кэррик матбуот анжуманида.
Эслатиб ўтамиз, январь ойида 44 ёшли мураббий аввалроқ ишдан бўшатилган Рубен Аморим ўрнини эгаллаб, мавсум охиригача шартнома имзолаганди.
