Ҳужумчи Брайан Мбеумо "Манчестер Юнайтед" сафида АПЛдаги 9-голини урди. 26 ёшли футболчи АПЛ 25-туридан ўрин олган "Тоттенхэм"га қарши ўйиннинг 38-дақиқасида ҳисобни очди (1:0, танаффус).
Майкл Кэррик бош мураббий этиб тайинланганидан бери Мбеумо "МЮ" учун 4 та ўйиндан 3 тасида гол уришга муваффақ бўлди. У фақат "Фулхэм"га қарши баҳсда (3:2) майдонни голсиз тарк этган эди. Камерунлик футболчи ҳисобида АПЛнинг жорий мавсумидаги 20 та ўйинда 9 та гол мавжуд ва у жамоанинг мавсумдаги энг яхши тўпурари бўлиб турибди.













