"Барселона" ўз ғалабали сериясини олтита ўйинга етказиб олди. Ханси Флик жамоаси Испания чемпионатининг 23-турида "Мальорка"ни мағлуб этди (3:0). Бунгача "Альбасете" (2:1), "Эльче" (3:1), "Копенгаген" (4:1), "Овьедо" (3:0) ва "Славия" (4:2) жамоалари таслим этилган эди.

Сўнгги 18 та ўйинда — 29 ноябрдан бошлаб — "блауграна" 17 та ғалабани қўлга киритди. Уларга ягона мағлубиятни 18 январь куни "Реал Сосьедад" тақдим этди.

12 февраль куни "Барселона" Испания Кубоги доирасида "Атлетико Мадрид" билан тўқнашади.