Ўзбекистон Биринчилигининг 2-босқич ўйинларига тайёргарлик кўраётган "Оқтепа" жамоаси куни кеча навбатдаги назорат учрашувини ўтказди.

“Оқтепа” стадионида бўлиб ўтган беллашувда жамоа рақиби “Хоразм” бўлди. Хабарингиз бор, “Оқтепа” бунга қадар бу жамоа билан бир марта ўйнаб кўрган эди. Ўшанда тошкентликлар рақибдан 5:4 ҳисобида устун келгандилар.

Иккинчи баҳс ҳам голларга бой тарзда ўтди. Аввалги ўйиндан фарқли равишда мезбонлар бу сафар ўз иродаларини намойиш қилишди. Сабаби, меҳмонлар танаффусга қадар Валерий Карпенко дарвозасини икки бор ишғол қилишди. "Оқтепа" хоразмликларнинг икки голига бир тўп билан жавоб қайтарди. Жамоа сардори Зокир Мирзааҳмедовнинг голи ҳисобни 1:2 кўриниш олишини таъминлади.

Танаффусдан сўнг учрашув сценарийси ўзгариб кетди. Мураббий штаби томонидан амалга оширилган ўзгаришлар мағлубият ғалабага айланишига олиб келди - Захирадан майдонга тушган ҳимоячи Азамат Мамажонов дублга эришди.

Назорат учрашуви

“ОҚТЕПА” – “ХОРАЗМ” – 3:2 (1:2)

“Оқ-тепа”: Валерий Карпенко, Дониёр Усмонов, Вадим Любинский, Жасур Умаров, Алексей Локтионов, Зокир Мирзааҳмедов, Бобур Абдураҳмонов, Илҳом Ражабов, Никита Павленко, Маъруф Аҳмаджонов, Хушнуд Маматов.

Захирадан тушганлар: Максим Криушев, Ислом Йўлдошев, Алишер Алимов, Андрей Шашков, Вадим Ничунаев, Азамат Мамажонов, Аббос Абдуллаев, Сардор Хуршидов, Шоҳруз Норхонов.

Голлар: Зокир Мирзааҳмедов, Азамат Мамажонов (2та).