Каталониянинг "Барселона" клуби бош мураббийсиз қолиш хавфи остида. Marca нашри тарқатган хабарга кўра германиялик мураббий Ханс-Дитер Флик жорий мавсум якунлангач жамоани тарк этиши мумкин.

Манбанинг таъкидлашича, Жоан Лапорта "кўк-анорранглилар" президенти лавозимида қолмаса, шундай бўлади. Сайлов 15 мартга белгиланган.

Немис ўзини Лапорта жамоасининг бир қисми деб ҳисоблайди ва у қайта сайланган тақдирдагина ишни давом эттиришга рози бўлади.

Ханс-Дитер 2024 йилнинг ёзидан буён Каталония жамоаси бош мураббийи лавозимида ишлаб келмоқда. Томонлар ўртасидаги меҳнат шартномасининг муддати 2027 йил июнь ойи охирида тугайди.