"Ливерпуль" ҳимоячиси Ибраима Конате клуб билан меҳнат шартномасини узайтириш бўйича музокаралар олиб бормоқда. Бу ҳақда журналист Экрем Қўнур хабар бермоқда.
Манбага кўра, мерсисайдликлар футболчига бир неча йирик клублар жиддий қизиқиш билдираётгани боис, келишувни имкон қадар тезроқ ёпишга интилмоқда.
26 ёшли французнинг "Ливерпуль" билан амалдаги шартномаси келаси ёзда ўз ниҳоясига етади.
Конате жорий мавсум барча турнирлар билан ҳисоблаганда 31 та ўйинда майдонга тушди ва 2 та гол урди.
Айни пайтда "Ливерпуль" Англия чемпионати турнир жадвалида 24 учрашувда 39 очко жамғаришга муваффақ бўлиб, 6-ўринни эгаллаб турибди.
