Мадриднинг «Реал» клуби «Комо» марказий ҳимоячиси Хакобо Рамоннинг ўйинини диққат билан кузатиб бормоқда. Бу ҳақда «Diario AS» нашри хабар бермоқда.

Манбанинг маълумотларига кўра, «қаймоқранглилар» 21 ёшли иқтидорнинг ўсишидан мамнун ва уни қайтариш вариантини кўриб чиқишмоқда. Бироқ, бу «Реал» Рамонни шу ёздаёқ сотиб олади дегани эмас. Эҳтимол, у яна бир мавсум «Комо»да қолар.

Ўтган ёзда «Комо» Рамонни «Реал»дан икки ярим миллион евро эвазига сотиб олган эди, бироқ «қироллик» клубида футболчини қайта сотиб олиш бўйича устувор ҳуқуқ сақланиб қолган.

Италия чемпионатининг жорий мавсумида Рамон 20 та ўйинда майдонга тушиб, иккита гол уришга муваффақ бўлди.