Англиянинг «Челси» клуби «Порту»нинг 21 ёшли испаниялик ҳужумчиси Саму Агехова билан шартнома имзолаш ниятида. Бу ҳақда «TEAMtalk» нашри хабар бермоқда.
Манбаларнинг қайд этишича, лондонликлар Агехованинг фаолиятини 2024 йилдан бери, у ҳали Испания чемпионатида «Алавес» шарафини ҳимоя қилаётган вақтдан кузатиб келишмоқда. «Порту»даги муваффақиятли натижалар «Челси» раҳбариятида ушбу футболчи жамоа учун зарур экани ҳақидаги фикрни янада мустаҳкамлади.
Жорий мавсумда Агехова клуб сафида 31 та ўйинда майдонга тушди. Ҳужумчи ҳисобида 20 та гол ва 1 та голли узатма мавжуд.
