Ҳужумчи Федерико Кьеза яқин трансферлар даврида "Ливерпул"ни тарк этиши мумкин.
Caught Offside хабарига кўра, инглиз клуби италиялик футболчи билан хайрлашишга тайёр. Бу унинг учун камида 30 миллион евро таклиф қилиш шарти билан амалга оширилади. Қайд этилишича, форвард хизматига футболчи аввал ҳам тўп сурган "Ювентус" қизиқиш билдирмоқда.
Бу мавсумда Кьеза "Ливерпуль" сафида 24 та ўйинда майдонга тушиб, 3 та гол урган ва шерикларига 3 та голли узатмани амалга оширган. Эслатиб ўтамиз, ҳужумчи деярли барча ўйинларда захирадан майдонга тушди.
Футболчининг бозор нархи 18 миллион еврога баҳоланмоқда, футболчининг меҳнат шартномаси 2028 йилнинг ярмигача амал қилади.
