Яримҳимоячи Леон Горецка ёзда "Бавария" билан шартномаси муддати тугаши муносабати билан эркин агент мақомига эга бўлади. Бу ҳақда яқинда маълум қилинди.
Transfer News Live нашрининг Mirror’га таяниб хабар беришича, Горецкага Европанинг тўртта топ-клуби қизиқиш билдирмоқда. Германиялик футболчи "Арсенал", "Атлетико", "Наполи" ва "Ювентус" радарларида турибди.
Қайд этилишича, 31 ёшли Горецканинг ўзи ҳам Англияда ўйнашни истамоқда, шу боис "Арсенал" немис учун курашда фаворитга айланиши мумкин.
Айтиш керакки, Леон Горецка фаолияти давомида ҳали ватани Германиядан ташқаридаги клублар шарафини ҳимоя қилмаган.













