Ҳимоячи Ибраима Конате ёзда "Ливерпул"ни тарк этиши мумкин.

Sports Boom хабарига кўра, "қизиллар" франциялик футболчига ўринбосар сифатида "Ньюкасл" ҳимоячиси Свен Ботманни кўрмоқда. Кўп сонли жароҳатларига қарамай, "Ливерпуль" раҳбарияти нидерландиялик футболчининг ўйин сифатларини юқори баҳоламоқда. Агар клуб жорий мавсум якунларига кўра Чемпионлар лигасига чиқа олмаса, футболчи клубни тарк этиши мумкин.

Свен Ботман 2022 йилда "Лилл"дан 37 миллион евро эвазига "Ньюкасл"га ўтганди. Унинг шартномаси 2030 йилнинг 30 июнига қадар мўлжалланган.

Жорий мавсумда ҳимоячи барча мусобақаларда 24 та ўйинда майдонга тушиб, битта гол урди ва битта голли узатмани амалга оширди.