«Барселона» клуби ўз тарбияланувчиси Хуан Эрнандес билан шартнома муддатини узайтирди. Бу ҳақда «кўк-анорранглилар» матбуот хизмати расман хабар бермоқда.
Янги келишув 2028 йилнинг ёзига қадар мўлжалланган бўлиб, унда шартномани яна бир мавсумга автоматик тарзда узайтириш банди ҳам кўзда тутилган.
Эслатиб ўтамиз, 18 ёшли Эрнандес ўсмирлик йилларида «Сарагоса» академиясидан «блауграна» сафига кўчиб ўтган ва жамоанинг бир бўлагига айланган эди. Жорий мавсумда ёш футболчи «Барселона Б» сафида тўп сурди ва 20 та ўйинда майдонга тушди. Ушбу баҳсларда ярим ҳимоячи тўртта гол урди ва тўртта голли узатмани амалга оширди.
