«Barselona» klubi o‘z tarbiyalanuvchisi Xuan Ernandes bilan shartnoma muddatini uzaytirdi. Bu haqda «ko‘k-anorranglilar» matbuot xizmati rasman xabar bermoqda.
Yangi kelishuv 2028 yilning yoziga qadar mo‘ljallangan bo‘lib, unda shartnomani yana bir mavsumga avtomatik tarzda uzaytirish bandi ham ko‘zda tutilgan.
Eslatib o‘tamiz, 18 yoshli Ernandes o‘smirlik yillarida «Saragosa» akademiyasidan «blaugrana» safiga ko‘chib o‘tgan va jamoaning bir bo‘lagiga aylangan edi. Joriy mavsumda yosh futbolchi «Barselona B» safida to‘p surdi va 20 ta o‘yinda maydonga tushdi. Ushbu bahslarda yarim himoyachi to‘rtta gol urdi va to‘rtta golli uzatmani amalga oshirdi.
