«Ливерпуль» ҳимоячиси Виргил ван Дейк «Манчестер Сити»дан учралган мағлубиятга муносабат билдирди. Англия Премьер-лигасининг 25-туридан ўрин олган баҳс 1:2 ҳисобида якунланди.
"Биз фақат ўзимизни айблашимиз керак ва бор эътиборимизни имкон қадар тезроқ «Сандерленд»га қаратишимиз лозим, чунки бу жуда қийин ўйин бўлади", — деди ван Дейк финал ҳуштагидан сўнг.
«Ливерпуль» учрашувнинг 74-дақиқасида Собослаининг жарима зарбасидан йўллаган кучли зарбаси эвазига ҳисобни очган эди. Бироқ аввалига 84-дақиқада Силва мувозанатни тиклади, сўнгра Эрлинг Холанд қўшиб берилган вақтда пенальтини аниқ амалга ошириб, ўз жамоасига ғалаба келтирди.
