«Байер» марказий ҳимоячиси Жарелл Куанса 2027 йилда «Ливерпуль»га қайтиши мумкин. Бу ҳақда «Football Insider» хабар бермоқда.
Манба берган маълумотларга кўра, «Ливерпуль» 23 ёшли футболчини «Байер»дан қайтариб олиш ниятида ва бунинг учун сотув шартномасига киритилган қайта сотиб олиш бандидан фойдаланмоқчи. Оғзаки келишувга эришилган, бироқ трансфер фақат 2027 йилда амалга ошиши кутилмоқда.
Ўтган ёзда «Ливерпуль» Куансани «Байер»га 35 миллион евро эвазига сотган эди. Ушбу мавсумда ҳимоячи барча мусобақаларда 28 та ўйинда иштирок этди ва иккита гол муаллифига айланди.
«Transfermarkt» портали мутахассислари англиялик футболчининг қийматини 40 миллион еврога баҳоламоқда.
