Испания чемпионатининг 23-тури доирасида бўлиб ўтган сафар ўйинида Мадриднинг «Реал» клуби «Валенсия»ни 2:0 ҳисобида мағлуб этди. Футбол эксперти Олег Корнаухов «қироллик» клубининг ўйини ҳақида ўз фикрини билдирди.

«Реал»да учқун бор, аммо жило етишмаяпти. Рақибни яккама-яккада алдаб ўта оладиган футболчиларсиз мадридликларга ҳимояни ёриб ўтиш қийин бўлмоқда. «Реал» ўз дарвозаси олдида кўплаб хавфли вазиятлар яратилишига йўл қўймоқда», — деди эксперт «Матч ТВ» телеканали эфирида.

Кечаги ғалабадан сўнг Альваро Арбелоа шогирдлари 57 очко жамғариб, Испания Ла Лигаси турнир жадвалида иккинчи ўринда бормоқда. «Реал» Каталониянинг «Барселона» жамоасидан бир очкога ортда қолмоқда.