Ispaniya chempionatining 23-turi doirasida bo‘lib o‘tgan safar o‘yinida Madridning «Real» klubi «Valensiya»ni 2:0 hisobida mag‘lub etdi. Futbol eksperti Oleg Kornauxov «qirollik» klubining o‘yini haqida o‘z fikrini bildirdi.

«Real»da uchqun bor, ammo jilo yetishmayapti. Raqibni yakkama-yakkada aldab o‘ta oladigan futbolchilarsiz madridliklarga himoyani yorib o‘tish qiyin bo‘lmoqda. «Real» o‘z darvozasi oldida ko‘plab xavfli vaziyatlar yaratilishiga yo‘l qo‘ymoqda», — dedi ekspert «Match TV» telekanali efirida.

Kechagi g‘alabadan so‘ng Alvaro Arbeloa shogirdlari 57 ochko jamg‘arib, Ispaniya La Ligasi turnir jadvalida ikkinchi o‘rinda bormoqda. «Real» Kataloniyaning «Barselona» jamoasidan bir ochkoga ortda qolmoqda.