Криштиану Роналду билан боғлиқ вазият бош мураббий Жорже Жезушнинг «Ан-Наср»даги келажагига таъсир қилиши мумкин.
Португалиялик мутахассис кўп жиҳатдан ўзининг юлдуз ҳамюрти туфайли клуб билан шартнома имзолашга рози бўлган эди. 41 ёшли ҳужумчи жамоа ўйинларига бойкот эълон қилишда давом этмоқда, ёзда эса клубни тарк этиши мумкин. «Al Nassr Zone»нинг Саудия ОАВларига таяниб хабар беришича, Жезуш Роналду билан боғлиқ вазият ойдинлашмагунча «Ан-Наср» билан шартномани узайтириш масаласини муҳокама қилмайди. 71 ёшли мутахассиснинг амалдаги келишуви мавсум якунида ниҳоясига етади.
Жорже Жезуш ўз лавозимини 2025 йилнинг июль ойида эгаллаган эди, бунгача у икки йил давомида «Ал-Ҳилол» жамоасини бошқарган.
