Жованни Симеоне Италиянинг "Торино" клуби билан тўлақонли шартнома имзолади. Бу ҳақда журналист Николо Скира ўз ижтимоий тармоқларида маълум қилди.
Манбага кўра, Симеоненинг шартномасидаги сотиб олиш опцияси чемпионатнинг сўнгги турида "Фиорентина"га қарши ўйиндан кейин фаоллаштирилган. "Торино" "Наполи"га 7 миллион евро тўлади ва футболчи билан яна 1 мавсумга узайтириш имконияти билан 2028 йилгача шартнома имзолади.
Симеоне ўтган ёзда 1 миллион евро эвазига ижара асосида "Торино"га ўтган эди. Ушбу мавсумда 30 ёшли футболчи 21 та ўйинда 5 та гол урди ва 1 та голли узатмани амалга оширди.













