Майкл Кэррик бош мураббий этиб тайинланганидан сўнг, "Манчестер Юнайтед" чемпионатда кетма-кет тўртта ўйинда ғалаба қозонди. "Олд Траффорд" кийиниш хонасида кўтаринки кайфият ҳукм сурмоқда. "The Touchline" нашрининг маълумотларига кўра, айрим футболчилар ва мураббийлар штаби аъзолари жамоанинг айнан шу мавсумда Англия чемпиони бўлиш имконияти борлигига ишонишмоқда.

Айни дамда "Манчестер Юнайтед" турнир жадвалида тўртинчи ўринни эгаллаб турибди ва пешқадам "Арсенал"дан 12 очко ортда қолмоқда. "Қизил иблислар" ичида агар ғалабали серия давом эттирилса, жадвал юқорисидаги "канонирлар"ни қувиб етиш мумкин деган фикр бор.

Таъкидлаш жоизки, "Манчестер Юнайтед" бор эътиборини фақат АПЛга қаратган — жамоа бошқа турнирларда иштирок этмаяпти.

Эслатиб ўтамиз, "Манчестер Юнайтед" сўнгги бор 2013 йилда Алекс Фергюсон бошқаруви остида Англия чемпиони бўлган эди.